Burovski Distillery
Ве молиме потврдете дека сте на законска возраст за консумирање алкохол во вашата земја.
Burovski
Од прадедо на дедо, од дедо на тато — а од мене на моите деца.
Прадедо
Дедо
Тато
Јас
Децата
Прадедо ја правел на свој начин. Дедо и тато ја правеле на истиот, без да сменат ништо. Мене ми остана истата работа — и обврската да им ја предадам на моите деца таква каква што ја примив.
Семејството Буровски
Многу куќи во Малешевијата имаат своја ракија и своја приказна за неа. Ова е нашата.
Рецептот никој не го запишал. Се пренесувал онака како што се пренесуваат најважните работи во една куќа — со гледање, со повторување, со години.
Долго време тоа беше ракија за своите. За масата дома, за гостинот што ќе влезе на врата, за зимските вечери.
Сега истата ракија ја има и надвор од куќата. Рецептот остана ист. И селото е истото — Русиново, покрај Берово. Се смени само тоа што можат да ја пробаат и луѓе што никогаш не седнале на нашата маса.
Затоа наследството не е во старите предмети, ниту во големите зборови. Тоа е во редот по кој се работи — и во тоа што тој ред не се менува.
Основачот
Кога шишето првпат го доби презимето, го потпиша Мартин Буровски. Дотогаш ракијата беше од куќата. Оттогаш на неа стои и неговото име.
Рецептот го прими готов и не го смени. Неговата работа е да го чува истиот — и да одговара за него.
Тој ја носи ракијата до луѓе што никогаш не седнале на семејната маса.
Место
Малешевијата не е позадина на оваа приказна, туку нејзиниот прв збор. Оттука е семејството, оттука е рецептот, оттука е и името МАЛЕШЕВЕЦ.
Кога едно шише ќе стигне некаде далеку, со него патува и Русиново.
Занает
Не од носталгија, туку затоа што тој начин работи: секој чекор се прави кога му е времето, а не кога е поудобно.
Време
ДОМАШНА и МАЛЕШЕВЕЦ почнуваат од истиот рецепт и од истите буриња. Она што ги дели не е тајна состојка, туку пет години подолго во дабот.
Чашата
Не во витрина и не на полица. Ракија што чекала толку години заслужува да се отвори — со луѓе што сакаат да седат подолго.
